ZAZAKÎ NEWS - Mûş, qezaya Gimgimî de bi sloganê 'Ma wayîrê xoza, awe û herra xo vejîyenê' vera Santralê Enerjîya Jeotermale (JES) mîtîng yeno organîzekerdene.
Mîtîngî ra ver hezaran hemwelatîyan rayraşîyayîş kerd.
Hemwelatîyê ke Çarrayîrê Şîrketa Vilakerdişê Elektrîkî yê Gola Wanî (VEDAŞ) de ameyî têhet, bi pankart, dovîz û sloganan ver bi pasajê şaredarîye rayra şîyî.
Meydanê mîtîngî de, sloganê 'Eke Gimgim bi ser kewo, Akbelen do bi ser kewo' ameyî vatene.
Hamsereka Pêroyî ya Partîya Herêman ê Demokratîkan (DBP) Çîgdeme Kiliçgun Uçare ra teber; xeylê aktîvîstê ekolojîye, temsîlkarê rêxistinanê komelê sîvîlî û partîyanê sîyasîyan tewrê mîtîngî bîyî.
