Abîyayîşê sezonî reyde palamuto ke Deryayo Sîya ra yeno pîya bi hamsî, çupra, lewrek, ala, somon û sazanî dezgehan ser o ca girewt. Masedarî pawenê ke rojanê verênan de hewayî hîna zî serdin bibê û maseyî zêdîyê.
Nesih Demiro ke bajar de nêzdîyê 25 serran o karê masedarîye keno, da zanayîş ke sezonê înan dest pêkerdo û va: "Nika tewr zaf palamutê Deryayê Sîyayî yeno. Tewirê hamsî, çupra, lewrek, ala, somon û sazanî zî destê ma de estê. Bi serdînbîyayîşê hewayan ma pawenê ke heskerdoxê maseyan zêdêr bibê. Ez hêvî kena ke no sezon heme welat û miletê ma rê bibo xeyrin."