Programo ke hetê Meclîsê Îstîşare yê Dara Hênî ra ame viraştene de, Qaymeqamê Dara Hênî Muhammed Burak Akköz, Serekê Şaredarîya Dara Hênî Kemal Tartar, Serekê Bajarî yê AK Partî Yılmaz Seven, wekîl û serekbajarê dewrê verênî, amîrê dezgehan, serekê partîyanê sîyasîyan, akademîsyenî, temsîlkarê dezgehanê sivîlan, muxtarî û dawetkerdeyî beşdar bîy.
Vervatoxê Meclîsê Îstîşare yê Dara Hênî İdris Ağırbaşî yo ke qiseykerdişê akerdişî yê programî kerd, da zanayîş ke têhet ameyîşê înan seba meqam, wezîfe yan zî seba tu pawitişêk nîyo; seba ke meseleyanê keye, tut û xortan rê rayê çareserîye bivênê, ameyê têhet.
Serekê Şaredarîya Dara Hênî Kemal Tartarî zî va ke: “Ewro tîya de, fıkir û vînayîş, pêşnîyaz û çareserîyê ke mamostayanê ma pêşkêş kerdî, seba ma ciyê keyfweşîye yo. No problem hînî sey qonaxo çarin ê qanserî yo.”
Mîyanê programî de sîyasetmedar û nuştox Abdulbaki Erdoğmuş, Prof. Dr. Cihat Yaşaroğlu û Doç. Dr. Bayram Yurtî babetê keye, tîryak û perwerdeyê qîmetan ser o qisey kerdî.
Program, badê pers û cewaban qedîya.
