Serekê Şaredarîya Bajarê Girdî ya Îstanbulî Ekrem Îmamoglu, Mudîrê Weşanê Pêroyî yê TELE1î Merdan Yanardağ û şêwirmendê Îmamogluyî Necatî Ozkan, 27ê Teşrîna Verêne Rojê Yewşemeyî de bi sûcdarîya "casûsîya sîyasî" tewqîf bîyî.
Ekrem Îmamogluyo ke 19ê Adare de amebî destbendkerdiş û 23ê Adare de tewqîf bibi, hewt aşman ra dima reya verêne Edlîyeya Çaglayanî ya Îstanbulî vejîya vera mehkema. Îmamoglu, bi sûcdarîya "bêusuîye" ra dima, na rey "casûsîye" ra ceza girewt .
Sereksawcîye ra eşkerayîye
Eşkerayîya nuştekîye ya ke hetê Sereksawcîya Komare ya Îstanbulî ra ameye dayene de, Îmamoglu sey "rayberê rêxistine" ame namekerdene. Eşkerayîye de ame îdîakerdene ke Îmamogluyî "sey Rêxistina Sûcî ya bi Menfeet a Îmamogluyî bi metodanê teberê qanûnî CHP dest fîna, seba namzedîya Serekkomarîye fon viraştene bi sûcê casûsîye kerdo ra ceza girewto."
Îmamogluyî ra eşkerayîya medyaya sosyale
Qerarê tepiştişî ra dima, hesabê medyaya sosyale yê Îmamogluyî ra eşkerayîyêka ke ameye parekerdene de nê vateyî ca girewtî: "Îdîaya veşnayîşê Roma zî nê zûran ra hîna raşt a. Mucadeleyê ma vera no zîhnîyeto ke sond wendo ke ameyoxê miletê ma perîşan bikero, nika ra pey do hîna pîl bibo. Qet hêvîya xo vîndî mekerê!"
