ZAZAKÎ NEWS - Serdozgerîya Komare ya Anqara eşkera kerd ke M.E.F., o ke vizêr verê Meclîsî de wesayîtê xo yo 'Toros'a sipî veşnabi, ame tewqîfkerdiş. Derheqê şikbarî de bi sûcdarîya "bi qestî asayîşê umûmî eştene binê talûkeyî" tehqîqat ame dest pêkerdiş.
Hedise, 19ê Tebaxe de, saete derdorê 09:00 de, Çankaya de verê Meclîsî, vera Wezaretîya Karanê Zereyî ame meydan. Şikbarî, otomobîlê xo yo bi plakaya 33 FC 312 veşna û wextêko kilm de ame destbend kerdiş.
Eşkerayîya serdozgerîye de wina ame vatiş:
"Çarçewaya tehqîqatê derheqê şikbar M.E.F.yî de, 3. Dadgeha Cezaya Sulhî ya Anqara, 20ê Tebaxa 2025î de qerarê tewfîqbîyayîşê şikbarî da. Tehqîqat bi dîqet û bi heme hetanê xo yeno rayraberdiş."
Manaya sembolîke ya 'Torosanê Sipîyan'
Serranê 1990an de, bajaranê Kurdan de 'Torosê Sipî', hetê JİTEMî ra seba kiştişanê faîl-meçhulan û vîndîkerdişanê bi zorî ameyêne şuxulnayiş. Coka, 'Torosê Sipî' sey yew sembolanê ê dewrî yeno zanayîş.