Ame musayîş ke endamê komîsyonê Meclîsî yê AK Partî do ewro seat 15.00 de Merkezê Pêroyî de kombîyayîşêk bikerê û derheqê şîyayîşê Îmraliyî de qerar bidê.
Goreyê malumatanê ke ameyê destvistiş, AK Partî de do ewor seat 15.00 de bi endamanê komîsyonî reyde yew kombîyayîş bêro kerdene. Kombîyayîşo ke do bi serekîya Wekîlê Serekê Pêroyî yê AK Partî Efkan Alayî û Serekê Grûba AK Partî Abdullah Gulerî de û çapemenîye rê girewte bêro viraştene de, do babeta şîyayîşê Îmraliyî bêra qiseykerdene.
Serekê Pêroyî yê MHPî Devlet Bahçelîyî, vizêr Kombîyayîşê Grûba Partîya Xo yê Meclîsî de vatbî: "Manaya astengkerdişê şîyayîşê Îmraliyî çin a. Eke kes nêzdîyê nê zîyaretî nêbo, ez do 3 embazanê xo pîya bigîrî û şêrî îmralî."
Serekkomar Recep Tayyîp Erdoganî zî vizêr kombîyayîşê grûba partîya xo de vatbî: "Birêz Bahçelîyî roj a verêne ra nat bi eşkerayîyanê xo yê cesûr, vîzyoner û raymojnayoxan paştî daya prosese aştîye."
