Şaredarîya Pîle ya Amedî, merkezanê cuyayîşî yê cinîyan de xebatêka hayîdarîye viraşt û tede tewiranê şîdetî û tecrubeyanê mucadeleyê cinîyan ser o ame vindertiş.
Serekîya Dayîreyê Xizmetanê Cinî û Keyeyî, çarçeweyê xebatanê 25ê Teşrîne Roja Mucadeleyê Mîyanneteweyî ya Vera Şîdetê Serê Cinîyan de hedef kena ke cinîyî tecrubeyanê xo eşkera bikerê û paştîdayîşî hîna bihêz bibê. Xebatê hayîdarîye bi beşdarîya aktîvîstanê cinîyan dewam kenê.
Tewirê şîdetî ameyî qiseykerdiş
Pêvînayîşanê ke Merkezê Cuyayîşî yê Cinîyan ê Yenîkoyî de bi 3 grûban û Merkezê Cuyayîşî yê Cinîyan ê Koşuyoluyî de bi 2 grûban ameyî viraştene rê, pêro pîya 109 cinîyî tewr bîyî.
Cinîyan behsê mucadeleyê xo kerd
Kombîyayîşê ke bi hawayêko înteraktîf ameyî viraştene de, cinîyan behsê tewiranê şîdetî yê ke cuyayîşê xo yê rojaneyî de maruzê ci manenê û mucadeleyê ke danê, kerd.
Xebatê hayîdarî do bidomnê
Xebatê hayîkerdişê yê Serekîya Dayîreyê Xizmetanê Cinî û Keyeyî, ke hedefê ci bihêzkerdişê cinîyan o, rojanê verê ma de do merkezanê cuyayîşî yê cinîyan ê Quça, Ben û Sen û Lalebeyî de dewam bikerê.
