Koordînatorê Ma Musîcê Aslan Aydogan yan zî bi nameyo ke yeno naskerdiş Hunermend Şêrko Kanîwar ewro hetê polîsan ra ameyo girewtene .
Goreyo ke ame zanayîş, Koordînatorê Ma Musîcî Şêrko Kanîwar gama ke Almanya ra agêrayo welat, Teyaragehê Diyarbekirî de hetê polîsan ra ameyo girewtene .
Serdozgerîya Komare ya Diyarbekirî 25ê Nîsane de 21 şaristananê Tirkîya û Bakurê Kurdistanî de derheqê 191 rojnameger, hunermend, avukat, siyasetmedaran de tehqîqat dabî dest pêkerdiş.
Vajîya ke, Polîsan Şêrko Kanîwar berdo Mudirîyeta Asayîşî ya Dîyarbekirî.
Şêrko Kanîwar bi serrano ke Dîyarbekir de bi ziwanê Kurdî perwerdeyê muzîkî dano gedeyan û hetê Kurdan ra zaf yeno heskerdiş.
