ZAZAKÎ NEWS - Qezaya Amedî Licê, dewa pêçar de adiro ke daristan de vejîya, bi tesîrê vayê pêtî vila beno. Pa heme mudaxeleyanê ekîbanê îtfaîye, verê adirî nêno girewtiş.
Adir, wextanê şanî de, dewa Pêçar a Licêyî de, sebebêko ke hema nêzanîyeno ra daristan de vejîya.
Wextêko kilm de adir vila bi û mudaxeleyo verên hetê dewijan ra ame kerdiş.
Ekîbê îtfaîye yê ke şirawîyayê cayê şewatî, herçiqas ke seba hewnakerdişê adirî xebitîyenê zî, sebebê vayê pêtî ra nêeşkenê verê vilabîyayîşê adirî bigîrê.
Ekîbê hewnakerdişê adirî, seba ke adir nêpero waranê cuye (cayanê ke tede şar ciwîyeno), xebatanê xo domnenê.