M. Mihemed Elî Hunî
Mela Mehmed Elî Hunî mewlidê xo (Mewlidê Pêxemberî) serra 1971ine de nuşto. Mela Mehmed Elî Palu ra û dewê Hune (Beyhan) ra yo. Aşma Nîsane 1930î de ameyo dinya. O hema ciwîyeno û dewa xo de ronişeno. (19) Nameyê ey yê resmî Mehmet Alî Öztürk o. Derheqê cuye û mewlidê Mela Mehmed Elî de Şahap Yeşîlkayayî serra 2014î de bi kirdkî (zazakî) yew tez amade kerd. (20)
Mehmet Selîm Uzun û W. K. Merdimînî nê mewlidî transkrîbe kerdê. Mewlidê Pêxemberî serra 2004ine de kovara Vateyî de weşanîyayo. (21) Mewlid 266 beytan ra yeno pê. No mewlid 16 hecayan ser o ameyo nuştiş. Hetê edeb û hunerî ra mewlidêko zaf dewlemend o. Hem her rêze mîyan de hem zî peynîya her rêze de qafîye esta. Ziwanê mewlidê Mela Mehmed Elî Hunî ziwanê şarî yo. Ziwanêko lîrîk, sade, pak, zelal û şîrin o. No mewlid serra 2004ine de hetê Weşanxaneyê Vateyî ra sey kitab çap bîyo.
Mela Mehmed Elî gelek eserên hêja afirandiye.
- Mewlidê Nebî
- Zerra Haya (Ji 40 beytan pêk tê.)
- Qesîdey Tewhîd (Ji 33 beytan pêk tê.)
- Qesîdey Qebir/Ezabî Qebra Xuerî (Ji 20 beytan pêk tê.)
- Qesîdey Seîdî Nûrsî (1957 de nivisiye))
- Weqay Kerbela Hesen-Huseynî (1971 de nivisiye û ji 20 beytan pêk tê)
- Weqay Kerbela Hezret Hesenî (1970 de nivisiye û ji 20 beytan pêk tê.)
- Weqay Kerbela Hezretî Huseynî (1970 de nivisiye û ji 30 beytan pêk tê.)
- Qesîdey Peyxemberî (1972 de nivisiye û ji 20 beytan pêk tê.)
- Eqîdey Îman-Eqîdey Îslam (1970 de nivisiye û ji 66 beytan pêk tê.)
- Hîkmet Zazakî (1971 de nivisiye û ji 80 beytan pêk tê.)
- Edebîyato Zazakî Neqişnayo Pey Nakî (1971 de nivisiye û ji 264 beytan pêk tê.)
- Weqayê Koyî Ûhûdî Wefatî Hemzî (1972 de nivisiye û ji 81 beytan pêk tê.)
- Vengî Melî, Munacat Mehmed Elî (1974 de nivisiye û ji 22 beytan pêk tê.)
- Qesîdey Mekkî (1976 de nivisiye û ji 25 beytan pêk tê.)
- Qesîdey Medîna (1976 de nivisiye û ji 25 beytan pêk tê.)
- Yusûf û Zelixa
- Mîrac
- Hz. Suleyman û Belqisa
- Mewlido Zazakî” (22) ûhwd. (23)
Mewlidî Pêxemberî weha dest pêdike:
Bîsmîllahîrahmanîrrehîm
Namey Homay vac hêverî, pey namey Homay ak berî
Xeberî mewlidî weş xeber î; biwan mewlîd peyxemberî
Peyxember zaf aşiq resnaw`, yi qelbî aşiqan veşnaw´
Mewlîd peyxemberî beşnaw, biwan mewlîd peyxemberî
Peyxember pîl peyxember û, ha peyxemberûn ra ver û
Şerêf yi zî hemîn ser û, biwan mewlîd peyxemberî
Wi yew sayê sêr tebsî yo, beyîş peyxember ebsî yo
Ameyîş yî peynesî yo, biwan mewlîd peyxemberî
Ameyûş yî yew rehmet o, mewlîd yî di çîn zehmeto
Homay ma berû cenneto, biwan mewlîd peyxemberî
Homay wi yew rehmet dawo, vatiş mewlîd rind peymawo
Mewlîd peyxemberî ma wo, biwan bewlîd peyxemberî
Şima mewlîd yi gueştarî, dunya k’ esta hezey warî
Homay xwi rî bikîn zarî, biwan mewlîd peyxemberî
Gueştarî mewlîd yi keko, may xwi pî xwi ra yewek o
Wi holek o, wi xasek o, biwan mewlîd peyxemberî
Peyxembêr ma rind rindûn o, peyxembêr însûn cindûn o
Wi serekî hemînûn o, biwan mewlîd peyxemberî
Peyxembêr peyxemberûn o, wi rehberî rehberûn o
Wi me´denî xeberûn o; biwan mewlîd peyxemberî
Ti bizan peyxembêr tu kam, yûndes beytî verîn temam
Vaj ”es-selatû wes-selam”, biwan mewlîd peyxemberî
Ti wazenî xeyrû temam, vaj ”es-selatû wes-selam”
Ti wazenî cennet meqam, vaj ”es–selatû wes–selam”
IV- Mela Kamilê Puexî û Mewlidê Nebî
No mewlid Çewlîg (Bîngol) ra, dewê Puexe ra, hetê Mela Kamilê Puexî ra serra 1999ine de ameyo nuştiş. W. K. Merdimînî transkrîbe kerdo û kovara Vate hûmara 19ine de weşanîyayo. (24) Mewlid 104 beytan ra yeno pê. Bi wezna hece ameya nuştiş, her rêze (misra) 11 hece ya. Mewlidê Nebî serra 2003ine de sey kitab çap bîyo.
V- Mela Mehemedê Muradûn û Mewlidê Zazakî
Mela Mehemedê Muradûn (Mele Muhamed el-Murâdânî el-Gencî) destpêkê serra 2000ine de no mewlid nuşto. Reya ewilîne bi nameyê "Mewlûd w Eqîda Zazakî" bi herfanê erebkî sey broşurêke Konya de ameyo çapkerdiş. Dima serra 2002ine de W. K. Merdimîn û N. Celalî açarnayê alfabeya latînkî (transkrîbe kerda). (25) Mewlidê Zazakî 7 qisiman û 206 beytan ser o awan bîyo; bi 11 hecayan ameya nuştiş. Mewlida Mela Mehemedê Muradûn bi ziwanêko pak û weş ameya afirandiş. Mela Mehemedê Muradûn Darahênî (Genç) ra, dewê Muradûne ra yo.
VI- Mela Abdulkadir Muşêkî-Bîngolî û Mewlidê Nebî
Mela Abdulkadir Muşêkî-Bîngolî nê mewlidî nuşto. Mewlid 15 qisiman û 268 beytan (malikan) ser o awan bîya. Bi wezna hece (11 heceyan) ameya nuştiş. Na mewlid bi herfanê alfabeya erebkî ya û sey destnuşte 24 rîpelî ya. Mehmed Selîm Uzunî alfabeya erebkî ra açarnaya alfabeya latînkî (transkrîbe kerda) la hema çap nêbîya. Mela Abdulkadir Muşêkî-Bîngolî (Abdülkadir Arslan) eslen Çewlîg ra, dewê merkezî Muşêke ra yo. Nika dewê xo Muşêke de sey îmam û xetîb wezîfedar o.
VII- Bîlal-Feqî Çolîgî û Mewlidê Peximbêr – Qey Tutonê Zazon
Nuştoxê nê mewlide Bîlal-Feqî Çolîgî yo. Mewlid bi tîpanê erebkî û latînkî hetê weşanxaneyê Dîwan ra ameyo çapkerdiş. Goreyê nuştoxî, no mewlid seba tutonê zazayan ameyo nuştiş. Seba ke tutî ci ra baş fehm bikerê bi ziwanêko sade û zelal nuştîyayo. Bîlal-Feqî Çolîgî hema ciwîyeno.