Mehmet Ay
Eno hewte ez yew mewzuyo derg û muhîmî qal kena. Eno mewzu do hîrê hewte yan zî hîrê ra zêdeyêr biremo.
Ma hewteyê ke vîyartî qalê perwerdeyî kerd. Perwerde, çi tewir bibo beno rind û qijê ma hîna benî rind(hîna weş fehm kenê) ser o tayî qalî kerd.
Gelo psîkolojî serê perwerdeyî de çi tewir têsîr keno? Psîkolojî mewzuyo (ke ma ser o vindenê) newe yo. Bi se serrî est o ke vejîyayo û sereyê 1900yan ra pey Zanyar Wîllîm Wult, Sîgmund Freud vejîya raşte. Ê zanyarî wina serê mêzgî de vindertî. Gelo mêzg çi tewir têgêrayîşê(davranış) ma ser o têsîr keno? Badê înan fehm kerd ke têgêrayîşê ma û mêzgê ma pê ra girêdayeyê. Dinya bedelyaye, perwerde bedelya, pergale bedelîyaye. Perwerde timûtim xo bedelneno. Wexto ke perwerde bedelîyeno psîkolojî zî serê ey de têsîr keno(roneno) û pergale de ca gêno.
Seserra ma de însanî zaf biqîymet ê. Wexto ke însan biqîymet bo psîkolojî zî beno biqîymet. Însanî pê perwerde erj gênê. Perwerde her çend aver şêro hende beno rind, hende ma zî aver şinê yan zî psîkolojî çend aver şêro însanî hende aver şinê, qijê ma zî hende aver şinê. Enê hîrê heme ha pêra girêdayeyê. Ma verê perwerdeyê xo bibedeln dima ma psîkolojî deker mîyanê perwerdeyî, badê zî wa însan vejîyo meydan.
Peynîyê nuşteyê xo de ez vana ke ma kokê xo ra însanî û însanî pê perwerde raşt benê. Perwerde zî pê psîkolojî beno rind û bitêsîr. Xo vîr ra mekerêne heme çî seba qijanê ma, seba îstîqbalê ma.
