ZAZAKÎ NEWS - Mesûd Barzanî, heyetê Rojava yo serekîya ci Fermandarê Pêroyî yê Hêzanê Sûrîyeya Demokratîke (HSD) Mazlum Ebdî de kerdêne qebul kerd. Pêvînayîş de Barzanîyî veng da “hem Şam hem zî HSDyî ke, wa pabesteyê peymana mabênê xo bibê û seba ke heqê şarê Kurdî bikewê binê garantîya qanûnê bingeyênî, mîyanê koordînasyonî de bibê.”
Goreyê eşkerayîya ke Ofîsê Barzanîyî ra ameya dayene, pêvînayîş ewro (6ê Sibate Îne) Hewlêr-Pîrmam de ame meydan.
Kombîyayîş de; "rewşa Rojava, tetbîqkerdişê peymana mabênê hukmatê Sûrîye û HDyî û averşîyayîşê peyênî yê Sûrîye" ameyî qisey kerdene.
Heyetê Rojava de ke binê serekîya Ebdîyî de bi, Hemsereka Ofîsê Têkilîyanê Teberî yê Rayberdoxîya Xosere ya Rojava Îlhame Ehmed û Fermandara Pêroyî ya YPJyî Rohilate Efrîn zî tede ca girewt.
