Platformê Koçî yê Mezopotamyayî aşkere kerd ke, mîyanê 9 aşmanê destpêkê serra 2023î de Tirkîya ra 51 hezar û 415 kesan semedo ke Ewropa de ca bibê muracatê îltîca kerdê û înan ra se ra 80ê înan Kurd ê.
Hemsereka Komeleya Çimdarîya Koçî û Cigêrayîşî ya Mezopotamyayî Medya Alkane beyanat da û va;
“ Kurdan ser o siyasetê koçkerdişî yeno ramitiş. Koçkerdişê Kurdan tesîrêko xirab ziwan û kulturê Kurdan ser o keno. Kurdî tena sebebanê sîyasî ra ney, sebebanê ekonomî û rîyê şerê taybetî ra zî koçê weşatanê Ewropa kenê."
Alkane da zanayîş ke, serra 2016î de semedê îltîcayî 9 hezar û 675 kesan Ewropa rê muracat kerdbî labelê mîyanê 9 aşmanê destpêkî yê serra 2023î de na hûmare resaya 51 hezar û 415 kesan.
