Aktîvîsta Êzîdî Nadiya Murad aşkere kerd ke, 6 cinîyê Êzidî ê bînî zî destê DAIŞî ra ameyê xelisnayîş.
Nadiya Murad hesabê xo yê Twitterî ser ra wîna va “Ez za keyfweşa ke ma na rey şeş cinîyê Êzîdî destê DAIŞî ra xelisnayê. Eke Hukmatê Herêma Kurdistanî ra nêbîyêne ma nêeşkayêne nê 6 cinîyanê Êzîdî destê DAIŞî ra bixelisne.”
Nadiya Murad va; "Nê şeş cinîyê Êzîdî, serra 2014î de ameybî remnayîş û weşatanê Iraq û Sûrîye de ameybî rotiş."
3’ê Tebaxa 2014î de terorîstê DAIŞî hêrîşê Şingalî kerdbî. Terorîstanê DAIŞî qasê 6 hezar û 500 cinî û gedeyê Êzîdî remnabî, êsî girewtbî. Hema zî qasê 2 hezar û 500 Êzidî vîndîbîyaye yê.
