Koordînasyonê Weçînayîşî yê DEM Parti yê Amedî aşkere kerd ke, semedê namzetîya Şaredarîya Bajarê Girdî yê Amedî do newe ra weçînayîş bêro kerdiş.
DEM Partî 14 û 15ê na aşme de merkez û qezayanê Amedî de semedê vijnayîşê namzetanê serekanê Beledîyeyan sindoqî naybî ro. 21 hezar delegeyî semedê vijnayîşê namzetan şibî sindoqan ser.
Labelê pêroyê qezayan de semedo ke se ra 50î ra zêdêr tu namzetêk nêeşka ray bigîro, weçînayîşî ameybî betalkerdiş.
Ewro pêro namzetê DEM Partî yê Dîyarbekirî ameyî têhet û derheqê weçînayîşan de beyanat dame dayîş.
Îdarekarê DEM Partî vanê ke, ê do semedê Amedî newe ra verweçînayîş bikerê.
Heto bîn ra cayê sey Dîyarbekirî de hema zî aşkerenêbîyayîşê namzetan bîyo sebebê reaksîyonan û vejîyeno ke DEM Partî bi no qayde semedê weçînayîşê 32ê Adare erey kewta.
