ZAZAKÎ NEWS - Nuştox, şaîr Newzad Valêrî Çewlîg de heskerdoxanê xo dir ame têhet. Xeylê kesî ameyî roja îmza. Peynî de nuştoxî kitabê xo day îmzakerdiş.
Aktîvîte, roja 16ê Temmuze 2025 de, saete 18:30 de, Eis Garden Cafe & Restaurantî de amey kerdiş.
Nuştox Valêrî yo ke bi xo zî Çewlîg ra yo semedê kitabanê xo yê peyênan "Demserre Vîrî" û "Pîya" ame Çewlîg.. Eserê ey ke bi ziwanê Zazakî nusîyayî, edebîyatê Zazakî de cayêko muhîm gênê.
Heskardoxanê Valêrîyî roja îmza de o tena nêverday û seba îmzakerdişê kitabanê ey eleqeyêko weş mojnay. No program, tena îmza nêbî, eynî zeman de yew fersend bi ke nuştox bi wendoxanê xo reyde bêro têhet û derheqê edebîyat û hunerî de sohbet bikero.
Valerî aktîvîte ra dima va ke , Ez welatê xo de pê şar û dostanê xo bîya dewlemend û bextewar. Ma veng û rengê xo zêdîna, zerr û mezgê xo zelal û delal kerd. Çi rind, çi weş bî...
