Serekê Herêma Kurdîstanî Nêçîrvan Barzanî bi sîyasetmedaro Kurdî Osman Baydemîr dir Hewlêr de ame têhet. Pêvînayîş de prosesê aştîye yê Tirkîya ser o ame qiseykerdiş û muhîmîya aştîye ser o ame vindertiş.
Serekê Herêma Kurdîstanî Nêçîrvan Barzanî, bi sîyasetmedarê Kurdî û Serekê verên yê Şaredarîya Pîle ya Amedî Osman Baydemîr reyde pêvînayîş kerd. Rojdemê serekî yê pêvînayîşî prosesê aştîye yê Tirkîya bi.
Goreyê eşkerayîya ke hetê Serekîya Herêma Kurdîstanî ra ameye dayîş, pêvînayîşo ke paytext Hewlêr de ame kerdiş de, her di hetan îzah kerdk ke serkewtişê prosesê aştîye zaf krîtîk o. Hetî nê xusûsî ser o hemfikir mendî ke, aştîyêka dayîmî ya ke Tirkîya de bêra viraştene, tena welatî rê ney, do tesîrêko pozîtîf îstîkrarê pêro herême ser o zî bikero.
Serek Nêçîrvan Barzanî va ke ganî firsendo ke seba aştîyeameyo meydan, bîlasebeb nêbo û îfadekerd ke seba ke proses biser bikewo, ganî pêro hetî bi hîsê mesulîyetî têbigêrê.
Osman Baydemîrî zî pêvînayîş de qisey kerd û seba paştîdayîş û xebatanê Serek Barzanî yê seba prosesê aştîye, ey rê sipas kerd û waşt ke wa nê hewldanê xo xo bidomno.
Pêvînayîş de averşîyayîşê herêmeyî zî ameyî qiseykerdiş û weçînayîşê parlamentoyê Iraqî û rewşa Sûrîye ya ewroyîne zî mîyanê rojdemanê bînan de ca girewt.