ZAZAKÎ NEWS - Ajansê Xeberan yê Aktîvîstanê Heqanê Merdiman yê Îranî (HRANA), aşkere kerd ke çalakîyanê Îran û Rojhelatî de 5 hezar û 848 kesî ameyê kiştene.
Goreyê raporê ajansî, heta vizêr mergê 5 hezar û 848 kesan ameyo qeydkerdiş û înan ra 77ê ci doman ê û emrê înan binê 18î de yo.
Mîyanê nê merdeyan de 209 kesî endamê hêzanê asayîşî yê û 42 kesî zî çalakîger nêbîyê, yanî sîvîl bîyê.
HRANAyî nîşan kerd ke teberê nê reqemî de, ê derheqê mergê 17 hezar û 91 kesanê bînan de zî cigêrayîş kenê ke hema nêameyê raştkerdiş.
Rewşa birîndar û tepişteyan
Ajansî îfade kerd ke 7 hezar û 804 çalakgerî giran birîndar ê. Onca HRANAyî eşkera kerd ke heta nika bajaranê cîya-cîyayan ê Îran û Rojhelatî de 41 hezar û 283 çalakgerî ameyê tepiştene.