Konserê Koma Amedî yê Stenbolî rê îzn nêvejîya. Koma Amed, badê 30 serran Amed de bi yew konserêko tarîxî yo ke bi des hezaran kesî tewrê ci bîy, agêrabi sehne.
Qeymeqamîya Kuçukçekmeceyî, waştişê tahsîsî yê seba konserê şarî yo ke plan bîyo ke 20ê Kanûne de Merkezê Mojanayîşî yê Yahya Kemal Beyatliyî de bêro viraştene, red kerd. Muracatê şîrketê Mezopotamya Kultur Sanat Eserlerî, netîceyê ercnayîşê Mudurîya Emnîyetî ya Qeza de "munasîb nêame vînayene".
Qeymeqamîye: "Munasîb nêame vînayîş"
Nuşteyê resmî yo ke seba Şaredarîya Kuçukçekmeceyî ameyo şawitene de, ame vatene ke muracatê konserî yo ke tede Koma Amed, Erdogan Emîr û Beşer Şahînî ca gênê, dima cigêrayîşan ame redkerdene. Nuşteyo ke binê ey de îmzayê Qeymeqam Mustafa Anteplîogluyî esto de ame îfadekerdene ke waştişê konserî "munasîb nêame ercnayene".