ZAZAKÎ NEWS - Bi hetkarîya Şaredarîya Bajarê Girdî ya Îstanbulî (ÎBB), bi Zazakî (Kırmanckî) kursê neweyî yenê akerdene. Na xebate seba şarê ma yê ke Îstanbul de cuyenê, firsendêko pîl o.

Sazgeha perwerdeyî ya şaredarîya Îstanbulî, İSMEK, seba kesê ke wazenê Zazakî (Kirmanckî) bimûsê yan zî qiseykerdişê xo aver berê, berê xo akerdî. Nê perwerdeyî sewîyeya 1 û 2yin de dîyenê hetê Wezaretê Perwerdeya Neteweyî (MEB) ra tedsîqkerde yê.

Detayê kursî:

Sertîfîkayîn: Perwerde bi tesdîqê MEBî yo û kesê ke serkewte bê, sertîfîkayê A1 gênê.

Sewîye: Seba qonaxanê A1 û A2 sinifî yenê akerdene.

Bêpere: Beşdarbîyayîşê kursan seba her kesî bi temamî bêpere yo.

Meqsed: Bi taybetî seba kesê ke Zazakî qisey kenê, îmkanê wendox-nuştoxbîyayîşî yeno dayene.

Qeyd û muraceat: Kesê ke wazenê tewrê nê perwerdeyan bê, eşkenê keyepelê enstitu.ibb.istanbulî ser ra qeydê xo bikerê.

Amancê nê kursan o yo ke, hemwelatîyê ke Îstanbul de cuyenê û wazenê ziwanê xo bimusê yan aver berê, eşkenê nê xizmetî ra îstîfade bikerê.

Ziwanê ma Îstanbul de bêwayîr nîyo

Bi akerdişê nê kursan, taybetî doman û ciwanê ke bajarê pîlî de ameyê dinya û ziwanê xo ra dûrî mendê, seba înan firsendê musayîşê Zazakî yo.

Kaynak: Zazakî News