ZAZAKÎ NEWS - Hunermend Ahmet Aslan, emşo (24ê Sibate) saete 20:00 de Merkezê Kultur û Kongreyî yê Sezai Karakoçî de konserek dano.
Aslan o ke muzîkê Anadolu bi enstrumananê rojawanî de keno yew û resneno merhaleyêka bîne. Aslan bi enstrumanê xo yê taybetî "Dîtar"î xebatanê xo rê dewam keno.
Ahmet Aslan emşo zî beno mêmanî Amedî.
Ahmet Aslan kam o?
Ahmet Aslan serra 1971 de Dêrsim de ameyo dinya. Mabênê serranê 1993-1996 de Konservatuarê Unîversîteya Teknîkî ya Îstanbulî de perwerde dî. Serra 1996 ra nata Almanya de ciwîyeno. Albumê xo yê verênî "Va u Waxt" (Vay û Wext) serra 2003 de û albumê xo yê diyîn "Meleklerin Dansı" (Reqasê Melekan) serra 2008 de vetî.
Aslanî Akademîya Rotterdamî de demê lîsansî de gîtara klasîke û tembure kerdî yew û enstrumanêko newe kîfş kerd. Bi paştîdayîşê mamosteyanê xo û ustadê viraştişê temburan Süleyman Aslanî, "Dîtar" ard meydan. Ahmet Aslan bi nê enstrumanî xebatanê xo yê sey "Na Mükemmel" û "Dornağê Budelay" ser o ceribnayîşanê neweyan keno.
