Şahadanê qirkerdişê Dêrsimî ra Xidir Guneş dinyaya xo bedilnayo. Şahadanê Qirkerdişê Dêrsimî ra Xidir Guneş 92 serrî bi û des rojî estbî ke Dêrsim de nêweşxane de tedawî dîyêne.
Xidir Guneş mabênê serranê 1937-38 de waxto ke qetlîam ame kerdene hewt serre bi û verê çimanê ey de 12 kesî bi tifingan ameybî kiştene.
Dapîra Xidir Guneşî zî verê çimanê ey de ameybî qetlkerdene.
Xidir Guneş pa keyeyê xo 3 aşmî mîyanê daristanî de xo nimitibî û bi no qayde qetlîamî ra xelisyabî. Xidir Guneş badê pa keyeyê xo surgunê şaristanê Manîsa bibî. New serran ra dima peyser ameybî Dêrsim.
Ame zanayîş ke meyîtê Xidir Guneşî siba do qezaya Dêrsimî Pulur de bêro heqkerdene.
Zazakî News
