ZAZAKÎ NEWS - Şaredarîya Amedî ya Şaristanê Girdî (DBŞB), bernameyê xo yê seba 21ê Gucige (Sibate) Roja Ziwanê Dayîke ya Dinya eşkera kerd. Çalakîyê ke do zafê ci ÇandAmed û Parka Gulane de bêrê viraştene, do 19ê Gucige dest pêbikerê û heta 22ê Gucige dewam bikerê.
Bernameyê 4 rojan wina yo:
19ê Sibate (Pancşeme)
Çalakîyî do şan bi mojnayîşê fîlmanê ÇandAmed de dest pêbikerê. Saete 20:00 de belgefîlmê "Ziwanê Dayîke" (Serkew Mesgarî) û "Hewno Bêziwan" (Mazlum Baran) do bêrê mojnayene.
20ê Sibate (Îne)
Roja diyîne do bi çalakîyanê gedeyan dest pêbikera. Saete 11:00 de Tîyatroyê Amedî yê Şaristanê Girdî do kayê gedeyan "Hişê Mi Têmiyan Kewt" kay bikero.
Eynî roje saete 14:30 de Parka Gulane de akerdişê "Parka Gulistanê Ziwanan" û beyanatê metnê 21ê Sibate do bêrê kerdene. Şan saete 20:00 de zî hunermend Ozcan Ateş bi kayê xo yê stand-up "Peyniya Peyêne" do ÇandAmed de bivejîyo sehne.
21ê Sibate (Şeme) - Roja pîl a
Roja Ziwanê Dayîke de bernameyêko akademîk û hunerî yo hîra esto. ÇandAmed de:
13:30 – 15:30: Panelê "Ziwanê Maye û Perwerde". Qiseykerdoxî: Dr. Yasemîn Oral Saribaş, Prof. Dr. Bulent Bilmez, Prof. Dr. Christoph Schroeder, Dr. Salim Orhan, Dr. Cuma Çîçek û Dr. Bahar Onguç.
15:45 – 17:15: Forumê "Ziwanê ke Tehluke de yê". Moderator Dr. Ronayî Onen o û qiseykerdoxî zî Denîz Gunduz (Kirmanckî), Firat Mercan (Ermenkî), Îrfan Çagatay (Lazkî), Salîba Açiş (Suryankî), Emel Ozdemîr (Çerkezkî) û Mahîr Ozkan (Hemşînkî) ê.
20:00: Konserê Zafziwanî. Mamosta û şagirtê Konservatuwarê Aram Tîgranî do bi ziwananê Kurmancî, Kirmanckî-Zazakî, Ermenkî û Suryankî kilaman vajê.
22ê Gucige (Yewşeme)
Bername, do saete 13:00 de ÇandAmed de bi mojnayîşê tîyatroyê "Hişê Mi Têmiyan Kewt" (bi Kurmancî) biqedîyo.