ZAZAKÎ NEWS- Kreş û keyeyê ciewnîyayîşê rojaneyî Zarokistan Perperike, ke bunyeya Mudurîya Karanê Kultur û Sosyalan a Şaredarîya Peyasî de ca gêna û perwerdeyê verê mektebî de seba gedeyanê 3-6 serrîyan xizmetêko zafziwanî dana, tede şayîya fîrazkerdişê Newrozî ameye viraştene.
Gedeyê ke bi kincanê xo yê herêmîyan tewrê şayîye bîyî, fîrazkerdiş de kilamî vatî û bi coş govend girewte.
Hemserekê Şaredarîye Cengîz Dundar zî tewrê çalakîye bi û tutan reyde govend girewt. Dundarî derheqê şayîye de da zanayîş ke, kilamê aştîye yê ke gedeyî bi hîsanê xo yê saf û pakan vanê, ganî hetê her kesî ra bêrê eşnawitiş.
