ZAZAKÎ NEWS - NextGen Kurdî o ke platfomêko sîvîl o û Amed de xebatanê xo ciwanan ser o keno forumê xo yê hîrêyînî viraşt. 2 forumê verên ê NextGen Kurdî bi Kurmanckî virazîyabî û no forumo peyên zî bi Zazakî virazîya.
Foruman de meseleyanê komelkîyan ser o qiseykerdoxî estî û ciwanî zî bi pers û şîroveyanê xo beşdarê forumî benê.
Forumê vizêrînî de nê kesî ca girewtî.
Fatma Gulan Önkol: Hemsereka Şaredarîya Sûrî
Murat Burtakuçin: Psikolog / Hemserekê Der-Mezî
Serhat Temel: Temsîlkarê SAMERî
Moderatör: Gülçin Şanlı
Çalakîye roja 23yê Adara 2026ine (Roja Dişme), mabênê saetanê 18:00 – 20:00 de Merkezê Kultur û Kongreyî yê Sezaî Karakoçî (ÇandAmed) de virazîya.
Babeta forumî: Gelo Tîryak Remayiş o, Sitargeh o, yan Qirayiş o?
Forumî de, nê persan ser o munaqeşe bi:
Merdimêk/e çira keweno/a miyanê tiryakî: gelo no weçinîtişêk o, birînêk o, yan zî qirînayîşêk semedê hetkarîye yo?
Waxto ke dewlete û sistemê huqûqî nê merdiman dir rî bi rî benê, ê çi vînenê: Sûcdar, nêweş, yan welatî?
Gelo bajar û şaredarî rastî nê problemî dir rî bi rî benê, yan zî ci nêdîyar kenê?
Ma bêvengîye û morkerdîşê cimatî, problemî bi xo xirabêr o?
Ciwanî mecbûr ê ke hemverê nê tabloyî de tena temaşeker bê, yan zî eşkenê bibê aktor?
Forum otmosferêko weşe de vîyart. Xeylê ciwanî beşdarê ci bîyê û NextGen Kurdî rê sipas kerdê ke înan bi Zazakî wîna yew forum hadre kerd.
