ZAZAKÎ NEWS - Sêwregi de seba xurtkerdişê edebîyatê Kurdkî (Zazakî û Kurmancî) "Musebaqaya Edebîyatî ya Şaban Şenateşî" dest pêkena. Musebaqa bi hemkarîya Enstîtuya Sêwregî, Siverek Halk Kürsüsü û Kozikî yena viraştene.
Kategorî û Tarîxê Muracatî
Kategorî: Şîîre û Hîkaye.
Ziwan: Kurdkî (Zazakî û Kurmanckî).
Wextê muraceatî: 1ê Nîsane ra heta 10ê Gulane.
Adresê nuraceatî: [email protected]
Jurî û xelatî
Jurîyê musebaqayî de nê şexsîyetî ca gênê: Mizgîn Kulata, Faruk Çetinkaplan, Jiyan Ehmedî, İlyas Gizligöl û Murat Başaran.
Her di kategorîyan de zî seba kesê ke rêzê yewine, diyîne û hîreyîne de ca bigîrê, xelatî yenê dayene.
Merasîmê xelatdayîşî
Merasîmê xelatdayîşî roja 15ê Gulane 2026ine, saete 20:30 de Hemamo Cincîqîn de virzîyeno. Heme heskerdoxê edebîyatî dawetê nê programî yê.
Emegdarê ziwanê ma Şaban şenateş
Şaban Şenateş serra 1966î de Sêwregi de amebi dinya û serra 2021î de rîyê neweşîya Korona ra Sêwregi de dinyaya xo vurnabi.
Şaban Şenateş o Sêwregij bi serran semedê Zazakî-Dimilkî xebatî kerdbî û tewr peynî Ferhengêko Zazakî vetibi.
Şaban Şenateşî qasê 30 serrî Ferhengo ke hadre kerdbi ser o xebitîyabi û ferhengî de 36 hezar û 800 çekûyî estî. Ferhengê bi nameyê “Ferhengê Zazakî” hetê weşanxaneyê Nubiharî ra amebi çapkerdiş.
