Bajaranê Serhedî Erzirom, Erdexan û Qers de hewayo serd, mij û cemed, cuyayîşî ser o tesîrêko xirab keno.
Erzirom de şewe germîya hewayî kewena heta 5 derecyan û her ca bîyo cemed.
Bajar de camê wesayîtan cemed girewt, tayê welatîyan seba ke wesayîtanê xo serdî ra bipawê, betanîyeyî eştî înan ser. Semedê mijî ra mesafeyê vînayîşî heta 15 metreyan kêm bi û şofêran bi zehmetî wesayîtê xo ramitî.
Erdexan de zî semedê serdî ra cemed virazîya.
Qers de zî şewe germîya hewayî heta 7 derecyan binê sifirî kewte, camê wesayîtan cemed girewt. Rayîrê Qers-Erziromî ser o semedê mijî ra mesafeyê vînayîşî kêm bi.
