ZAZAKÎ NEWS - Temsîlkarê Dîyarbekirî Amedspor, ke demêko derg o teknîk dîrektorgêrayêne, bi teknîk dîrektor Mehmet Altiparmakî reyde kontrat îmza kerd.
Amedsporî hesabê xo yê Xî ser o pare kerd ke înan bi Mehmet Altiparmakî reyde, yo ke tewr peyên tîma Seriksporî dayêne xebitnayene, îmza eşta.
Merasîmê îmzakerdişî de Serekê Kulûbî Burç Baysal, Asbaşkan Şeyda Arslantaş, Hetkarê Serekî Îhsan Ugur, Sekreterê Pêroyî Faruk Korkmaz û Berpirsîyarê Şubeyê Futbolî Hadî Yakişan ca girewt.
Ame vatene ke ekîba kesk-sûr, hefteyo vîyarte seba teknîk dîrektorî xebatêka hîra kerdbî û na çarçewe de Mustafa Gursel û Samî Ugurlu reyde zî pêvînayîşî kerdbî.
Merasîmê îmzakerdişî ra dima, Serek Burç Baysalî kulûb de kombîyayîşê çapemenîye viraşt.