Dêrsim de Anî Ugurluya 66 serre, pa nêweşîya xo ya qelbî û problemanê domaranê mezgê xo, 48 serrî yo ke miqatê çar domananê xo yê astengdaran bena. Anî Ugurlu, ke nêm esr o tena sereyê xo ewnîyena domananê xo, vana, heta ke weşîya mi ca de bo, ez do miqatê înan biba.

Dayîke, ke lazimtîyanê domananê xo Nuraye (48), Îlhanî (47), Semraye (42) û Hasan Orhanî (35), yê ke bîyayîşî ra astengdarê zihnî yê, tena temîn kena, bi fedakarîya xo Dêrsim de sey nimûne yena mojnayene.

Anî Ugurlu îfade kerd ke pa pêro problemanê xo yê weşîye, aye fek domananê xo ra veranêdayo û wina va:

"Çar domanê mi zî nê halî de yê, şima bi çimanê xo vînenê. Hêvîya înan ez a. 48 serrî yo ez leyê înan de ya. Tayê kesî ke xo nêzanî, wexto ke ma balkon de ronişenê, vanê 'Domanê na cinîke bom ê', no zerrîya mi zaf dejneno. Kes derdê kesî nêzano. La tayê zî mi rê dûa kenê, vanê: 'Wa Heq qewet bido to'."

Kaynak: Rûdaw