Mehmet Akîf Ersoy bi îdîaya antişê tîryakî ame tepiştiş

Çarçeweyê tehqîqato ke hetê Serekdozgerîya Komare ya Stenbolî ra yeno rayberdiş de, Rayberdoxê Weşanê Pêroyî yê Haberturkî Mehmet Akîf Ersoy, hetê hêzanê Fermandarîya Cendermeyan ya Bajarê Stenbolî ra bi îddîaya ke "madeyê hişber xebitnayo û temîn kerdo" ame tepiştiş.

Ame zaznayîş ke çarçeweyê tehqîqatî de seba 8 şikdaran qerarê destbendkerdişî ameyo dayîş û Mehmet Akîf Ersoy zî tede, çar kesî ameyê tepiştiş.

TMSFyî Ersoy wezîfe ra girewt

Goreyê eşkerayîya Haberturkî, TMSFyî (Fonê Sîgortaya Mewdûeta Teserûfî ya Tirkîya) Rayberdoxê Weşanê Pêroyî yê Haberturkî Mehmet Akîf Ersoy wezîfe ra girewto. Eşkerayîye de wina ame vatiş:

“Çarçeweyê tehqîqato ke hetê Serekdozgerîya Komare ya Stenbolî ra yeno rayberdene de, Rayberdoxê Weşanê Pêroyî yê Haberturkî Mehmet Akîf Ersoy ameyo destbendkerdene. Seba ke tehqîqat bi rehetî biramo, Mehmet Akîf Ersoy wezîfe ra ameyo dûrvistiş.”