Goreyê anketê Şîrketê Cigêrayîşî yê ASALî, Tirkîya û Vakurê Kurdîstanî de %72yê welatîyan sîstemê edeletî ra bawer nêkenê û hêvîya înan ê ekonomîyî zî negatîf a.
Şîrketê Cigêrayîşî yê ASALî mabênê 12 û 18ê Êlule de, 26 wîlayetan de, bi telefonî 2 hezar kesan reyde anketê xo kerdo û netîceyê xo raya umûmî rê eşkera kerdê.
Goreyê netîceyan, %72yê tewrbîyayoxan vato ke bawerîya înan bi sîstemê edeletî çin a. %64,7ê tewrbîyayoxan zî vato ke, ê ekonom rê zî bawer nêkenê.
Netîceyê anketî wina yê:
"Şima sîstemê edeletî yê Tirkîya ra bawer kenê?"
Nê: %72
E: %20,3
Nêwazena vajî: %7,7
"Mabênê 6 aşmê verînan de, şima gore rewşa ekonomîya Tirkîya do hewl biba yan xirabêr biba?"
Do xirabêr biba: %64,7
Do hewl biba: %13,2
Do nêvuryo: %16,1
Nêzana: %6