Tîyatroyê Gimgimî, bi organîzasyonê Îzmîr Varto-Derî, kayê xo yê bi nameyê "Veli Toplantısı" (Kombîyayîşê Welîyan) Îzmîr de pêşkêşê hunerhezan keno. Tema: Ziwanê ma Zazakî.
Kayê bi nameyê "Veli Toplantısı" ke binnuşteyê ci "Zon o Vîrakerdîş" (Ziwanê ke yeno vîrakerdene) o, 21ê Kanûne 2025 Roja Yewşemeyî saete 20.00 de do bêro mojnayene. Kay, Merkezê Kulturî yê Ataturkî yê Narlidere (AKM) de do bêro kerdene.
Hazirîyî qedîyay, afîşî amey daliqnayene
Kayo ke hetê Eda Sarıkaya û Veli Kişioğlu ra nusîyayo û derhênerîya ci Tuncay Akdeniz keno, bale anceno vîrakerdişê Zazakî ser. Pêşkêşkarê şewe Mordem Serkan Özdem o.
Îzmîr Varto-Derî dima ke afîşê kayî kûçeyanê Narlidere de daliqnay, veng da şarî: "Ma heme hazirîyê xo kerdî, heycanê ma zaf o. Ma heme şarê xo, qij ra pîl herkesî dawet kenê."