Osman Çınar
Beşo 1. Mîraso vîndîbîyaye
Eyşo16 serrî bî, Almanya de cuyayêne, kênayêka Kurd bî labelê Zazakî qisey nêkerdêne. Keyeyê aye Zazakî qisey kerdêne, labelê Ayşe wendegeh û embazanê xo de Almankî qisey kerdêne. Ziwanê xo Zazakî tena keye de pîlanê xo reyde qisey kerdêne.
Eyşo ewro, wendegeh de semedê dersêka xo ya pêşkêşîye derheqêkulturê Kurdan decigêrayîşêk kerd. Wexto ke cigêrayîş kerd, derheqê tarîx û kulturê Zazakî de xeylê çî musaybî. Fehm kerd ke ziwanê Zazakî çiqas ziwanêko dewlemend û rind o.
Eyşo, qerar da ke Zazakî bimusa. Semedo ke bimusa keyeyê xo ra û kursanê ziwanî ra ardim girewt. Wexto ke Zazakî musayêne fehm kerd ke ziwan tena çeukayan ra nêno pê. Zazakî nasnameyêk û ziwanê şarêk bi.
Beşo 2. Roşnîya hevîye
Ayşe, roj bi roj Zazakî musayêne û fehm kerdêne ke Zazakî binê tehlukeyî de ya û roj bi roj vindî bena. Coka zaf bibî xemgîn ûwaşt semedê pwitişê Zazakî çîke bika.
Ayşe, qerar da ke wendegeh de kûlûbêka Zazakî awan bikero. Kûlûbe de Zazakî qisey kerdêne, Zazkî deyîrî vatêne û Zazakî hîkayeyî wendêne. Kûlûbe demêko kilm de bibî namdare û uca de xeylê wendekarî Zazakî musaybî.
Ayşe, semedo ke wayîrê Zazakî vejîyo dest bi xebitnayîşêmedya sosyale zî sosyale zî kerd. Zazakî vîdeoyî viraştî, nuşteyê blogî nuştî. Seba êyê ke waştêne Zazakî bimusê semedê înan kursê online hadker kerdî û kurs da.
Nê xebatê Ayşe seba wayîrvejîyayîş û averşîyayîşê Zazakî zaf feydeyîn bî. Ayşe, smedê sibarojê Zazakî bibî roşnîya hêvîye.
Beşo 3. Ziwano ciwîyeno
Badê xeylê serran Eyşo bibî mamosteya Zazakî. Zaf keyfweş bî ke Zazakî neqlê neslanê neweyan kerdêne. Eyşo, zanayêne ke, eke Zazakî bicuyo çi rey do vindî nêbo.
Na hîkayeya Eyşo, seba ciwîyayîşê Zazakî û sibarojê Zazakî hîkayeyêka hêvîdar a. Jenerasyonê neweyî eke wînî bikê eşkenê wayîrê Zazakî vejîyê û nê ziwanî bidê ciwîyayene, û neqlê neslanê neweyan bikê -
