ZAZAKÎ NEWS - Verê kombîyayîşê Komîsyonê "Hemkarîya Mîlî, Birayetî û Demokrasî" yo ke TBMM de ronîyayo, verê baxçeyê Meclîsî de kesêk wesayîtê xo yo "Toros"o sipî da adir ver. Adir hetê ekîbanê îtfaîye ra ame hewnakerdiş û şofêr ame destbend kerdiş.
Guya ewro Komîsyon kombîyayîşê xo yê çarinî virazo. Komîsyon do ewro goşdarîya weqf û sazîyanê cimatê sivîlî û keyeyanê ke prosesê pêrodayîşî de merdimê xo vîndî kerdê, bikerdêne.
Hedîse, verê baxçeyê Çankaya yê TBMM de ame meydan. Goreyê îdîayan, şexso bi nameyê M.E.F., ke bi wesayîtê xo Mêrsîn ra amebi verê Meclîsî, wesayîtê xo yo bi plakaya 33 FC 312 vêşna.
Bi xeberdayîşî ser o, herême rê ekîbê îtfaîye û polîsan ameyî şawitiş.
Adir wextêko kilm de ame hewnakerdiş.
Emnîyetî ra eşkerayî
Mudîrîya Emnîyetî ya Anqara eşkerayîyêk da û pare kerd: "Adiro ke 19.08.2025 de qezaya Çankaya de Bulwarê İnönü ser o wesayîtî de vejîya, tesbît bi ke hetê şexso bi nameyê M.E.F. ra ameyo vetiş. No şexs Mêrsîn de nişeno ro, nêweşîyê ey ê psîkolojîkî estê û xeylê qeydê ey ê sucî estê."