Semedo ke Nergis Muhammedî Îran de vera şîdeto ke cinîyan ser o benomucadele kerda na xelate girewta .
Nergis Muhammedî semedê nê xebatanê xo hetê rejîmê Îranî ra erzîyaya hepisxane û hema zî zere de ya.
Komiteya Xelate ya Nobelî derheqê Nergis Muhammedî de wîna va:
"Rejîmê Îranî 13 rey Nergis Muhammedî tepişto û eşto zindan. Peynî de 31 serrî cezaya hepisxaneyî û 154 rey zî cezaya qirbacî dîyaya ci. A hema zî hepisxane de ya. Seke yeno zanayîş par (2022) cinîya Kurde Mahsa Jîna Amînî hetê polîsanê exlaqî yê Îranî ra ameybî qetilkerdiş. Tira pey bi sloganê, cinî, cû, azadî protestoyî dest pêkerdî. La rejîmê Îranî bi hewayêko antîdemokratîk midaxeleyê protestoyan kerd û 500î ra zêdêr çalakvanî ameyê kiştiş, 20.000î ra zêdêr tenî zî ameyê tepiştiş û zafê înan erzîyay hepisxaneyan. Desan kesî zî ameyê îdamkerdiş. Nergis Muhammedî zî tim hetê çalakvanan kerd û semedê sloganê "cinî, cû, azadî" xebate kerde"
