ZAZAKÎ NEWS - Xelatê kaykerdoxê camêrdan ê tewr başî yê ke hetê FIFAyî ra ameyê dayîş, kaykerdoxê brezilyayij ê Real Madrîdî Vinicius Juniorî girewtî, xelatê kaykerkerdoxa cinîyan a tewr başe zî îspanyole Bonmatî girewte.
Şewa galayî ya ke tede tewr başê serra 2024î hetê FIFAyî ra ameyî dîyarkerdiş, paytextê Qetarî Doha de ame organîzekerdiş. Xelatê Tewr Başanê FIFAyî reya newine vila bîyî.
Merasîm de, kaykerdoxê camêrdan û cinîyan ê tewr başî yê serre, qelecî, antrenorî û yewendesê serre ra teber xelatê golê tewr başî, temașekerî û fair-playî zî wayîranê xo dî.
Kaykerdoxanê futbolî yê dinya ra zafî, newin Xelatê Tewr Başanê FIFAyî de zaf kategorîyan de rey dayî ke FIFA Yewendesê Camêrdan û FIFA Yewendesê Cinîyan zî tede.
Xelatî wina yê:
- Kaykerdoxê camêrdan o tewr baş: Vinicius Junior (Real Madrîd)
- Kaykerdoxa cinîyan a tewr başe: Aitana Bonmati (Barcelona)
- Antrenoro tewr baş: Carlo Ancelotti
- Antrenora tewr başe (futbolê cinîyan): Emma Hayes
- Qelecîyo tewr baş: Emiliano Martinez
- Qelecîya tewr başe: Alyssa Naeher
- Golê tewr başê serre: Alejandro Garnacho
- Xelatê Fair Playê FIFAyî: Thiago Maia
- Xelatê Temaşekerê FIFAyî: Gandra Moura
