Amed de, Zinar Altuntaşo 20 serre ke sendromê Downî yo, xeyalê ci yo Amedspor de xebetiyayîş ame ca. Altuntaşo ke beyanatê xo yê verênî yê ke dabî de vatbi xeyalê mi Amedspor de xebetiyayîş o, ewro Tesîsanê Şehmus Özerî de antrenmanê taximî yê vera Ümraniyesporî îdare kerd.
Altuntaşo ke antrenmanî ra ver qisey kerd, da zanayîş ke o Amedsporî ra zaf hes keno. Altuntaşî va: "Lazim o ke ma giranî bidê defans û forvet. Ez Amedsporî ra zaf hes kena. Ma do Amedsporî bikerê şampîyon."
Kaloğlu: Ma ey ra zaf hes kerd
Dîrektorê Teknîkî Sînan Kaloğluyî zî qiseykerdişê xo de bala xo ant muhîmîya cameyîşê xeyalê Altuntaşî ser û va: "Zinar, seba ke şima reyde bibo û şima nêzdî ra bişinasno tîya, mîyanê ma de yo. O şima ra zaf hes keno. Zaf zî bawer keno. Seba şima çîyanê zaf weşan wazeno. Hêvîyê zaf weşî ardî ziwan. Ma zî ey ra zaf hes kerd."
Dima, antrenmano ke Zinarî îdare kerd, bi têgêrayîşanê akerdiş û germbîyayîşî dest pêkerd. Antrenmano ke heyetê teknîkî zî tede bi, çapemenîye rê girewte dewam kerd.