ENWER YILMAZ
Taner Balato ke dewa Çiçekyayla ya Çewlîgî ra yo û 2002 de ameyo dinya, 20 rojî yo ke ey ra xeber nêna girewtiş. Balato ke en peynî 9ê Teşrîna Verêne 2025 de herêma Orestiada ya Yunanîstanî de ame vînayîş, semedo ke bêro dîyîş keye û merdimanê ey rayedaran ra paştî waşte.
Goreyê agahîyanê ke ameyê girewtiş, Taner Balat demêk verê cû bi rayîranê qaçaxan vîyart Yunanîstan.
Keyeyê ey, en peynî wexto ke Balat Orestiada de bi, eşka pê îrtîbat rono û o tarîx ra dima reyna xeberêke ci ra nêgirewte. Keye û merdimanê ey, bi îfadekerdişê ke cuya Taner Balatî ser o qerqeyênê, seba vîndîbîyayîşî muracatê meqamanê eleqedaran kerd.
Îlanê vîndîbîyayîşî yo ke medyaya sosyale û çimeyanê xeberan ê herêmîyan de ame parekerdiş de, ame vatiş ke en peynî Balatî ser o de montêko sîya û pantolêko sîya estbîyo. Îlan de ame waştiş ke ê ke derheqê Balatî de wayîrê agahî yê, wa xo hûmara telefonî ya 0507 469 13 12 ser o îrîtbat ronê.
Keyeyê Taner Balatî, derheqê rewşa weşîye û cakerdişê lajê xo de xebere pawenê
