Warê weşangerîya kurdkî de kovarê dîjîtalî bi roje bir oje zêdîyenê. Kovara bi nameyê “Vîn”î, sey yew kovara edebî ya dîjîtale 15ê gulane de hûmara xo ya verêne pêşkêşê wendoxan kerd.
Kovar bi edîtorîya nuştox û akademîsyeno namdar Selîm Temoyî weşanîyena.
"Vîn" bi hîrê lehçeyanê bingeyînan yê kurdkî—Kurmanckî, Kirmanckî (Zazakî) û Soranî ameya amadekerdene. Kovar de ca dîyeno xeylê tewiranê edebî û hunerîyan:
Nuşteyî, hîkayeyî (estanikî) û şîîrî, roportajî, çarnayîşî û xeberê kulturkî.
Kovar formatê “flipbook”î de ya, bi alfabeya Latînkî-Kurdkî yena weşanayene û 64 rîpel a. “
Seba eseran vengdayîş
Kovara “Vîn”î do di aşman ra rayêk bêra weşanayene. Aye, berê xo pêro kurdan û nuştoxanê kurdkî rê akerdo.
Na humare de berhem, mulaqat, û açarnayan de îmzayê gelêk nameyan estê ku nê nameyî nê yê; Ahmed Azad, Aydin Ekîn, Azad Dilwar, Azad Kaysadu, Bawer Aydin, Berken Bereh, Buhişt Issa, Dîbar Çelîk, Dîlan Yasak, Enes Yildiz, Fatma Savci, Ferhadê Mihemed, Furkan Îşlen, Haden Oz, Hebûn Elbakî, Îbrahîm Şêxşerefî, Jan Alî Yekta, Jiyar Homer, Kawa Nemir, Kenan Ogur, Lorîn Demirel, Luqman Ehmed, Netîce Altun Demîr, Ozlem Guntaş, Rojîn Şêx Hemo, Sebahattîn Sumelî, Sedat Ulugana, Selîm Temo, Seyîdxan Kurij, Siya Jandar, Sîbel Akman, Şênê Mihemed û Xelef Wanî.
Kovara Vîne de beşê “Vîndank”î de ma Ehmed Huseynî, Mehmet Emîn Bozarslan û Refîq Sabîrî arenê xo vîr. Beşê “HevpeyVîn”î de Fatma Savci biya meymana kovare. Beşê “Belge”yî de kovare vilawekêke weşanayena ke bi Kurdkî ya (Kurmanckî) û Serewedaritişê 1925in sîya kena.
Kovare de Almankî, Franskî, îngîlîzkî û Îspanyolkî ra açarnayeyî amê kerdene. Alana Marie Levinson-LaBrosse, Alfonsina Storni, Alphonse Daudet, Arthur Rimbaud, Berthold Brecht, Charles Bukowski James Finn Garner, Kate Chopin, Rafael Alberti, Rita Mae Brown û Tracy Fuad meymanê xerîbî yê Vîn ê.
Adresa e-maîlî:
simupikol@gmail.com