Aşma Temmuze de, Amed de Sîbel Yalçin (42), Îlayda Alkaş (22) û Helîn Erenî (19) ameyê kiştiş. Yew cinîke hetê mêrdeyê xo yê verênî ra, yew hetê mêrdeyê xo û a bîne zî hetê vistewreyê xo ra amey kiştiş.
SÎBEL YALÇIN
Qezaya Amedî Rezan de, 1ê Temmuze de, Sîbel Yalçin a 42 serre, hetê vistewreyê xo N.Y.yî ra keyeyê xo de amey kiştiş. Cenazaya Sîbel Sîbel Lîce de amey definkerdiş.
ÎLAYDA ALKAŞ
Hedise, 22ê Temmuze de qezaya Yenîşehîrî de, Mehelaya Şehîtlixî de ame meydan. Goreyê agahîyan, Îlayda Alkaş a 22 serre, wexto ke bi may, way û birayê xo reyde cayêk ra agêrayêne, wexto ke kewt bînaya keyeyê xo, hetê mêrdeyê xo yê verênî Cemal A.yî (30) ra bi hêrişê çekdarî amey kiştiş.
HELÎN EREN
Qezaya Sûrî de, vizêr şan (24ê Temmuze), Helîn Eren a 19 serre hetê mêrdeyê xo Siyabend Şekerî ra amey kiştiş. Ame zanayîş ke Helîn digane bîya.
