ZAZAKÎ NEWS - Zanîngeha Dîcle, seba Sempozyûmê Ziwanê Kurdkî yê Mîyanneteweyî amadekarî kena. Sempozyûmo ke zanîngehe do bêro viraştene, 20–21ê Teşrîna Peyêne ya 2026î de Amed de yeno kerdene. Sempozyûm do bi temaya “Dîn, Tarîx, Ziwan û Kultur” bêro viraştene.
Sempozyûm, bi hemkarîya Beşê Ziwan û Edebîyatê Kurdkî yê Fakulteyê Edebîyatî yê Sezaî Karakoçî yê Zanîngeha Dîcle û Fakulteyê Îlahîyatî yê Zanîngeha Dîcle yeno organîzekerdene.
Malumatê Unîverseya Dîcle wîna yo:
Dîn, tarîx, ziwan û kultur wextanê verênan ra yo ke bîyê çimeyê muhîmîyê manewî yê nasname û şexsîyetê miletan. Coka naskerdiş û zanayîşê taybetmendîyanê miletan bi saya cigêrayîşanê dîn, tarîx, ziwan û kulturê înan mumkun beno. Şert û mercanê taybetan yê komelê kurdan ra, bawerî, tarîx, ziwan û kulturê kurdan ser o cigêrayîşî hema nêresayê sewîyeya miletanê averşîyayeyan û hewcedarî bi xebate û cigêrayîşanê zêdetiran esta. No sempozyûmo ke bi pardarîyeya Beşê Makezanistê Ziwan û Edebîyatê Kurdkî yê Fakulteya Edebîyatî ya Sezaî Karakoçî û Fakulteya Îlahîyatî ya Unîversîteya Dîcle yeno amadekerdene, bi amancê averberdişê nê warî yeno viraştene. Ma wazenê bi saya nê sempozyûmî verê cigêrayoxanê nê warî bidê hetanê xam û nimitkîyanê bawerî, tarîx, ziwan û kulturê kurdan û xebatanê nê warî aver berê. Na çarçewa de ma wazenê sempozyûmê xo de nê babetanê cerênan munaqeşe û etud bikê:
Medreseyê kurdan
◼ Tesewuf mîyanê kurdan de
◼ Berhemê dînî yê kurdkî
◼ Hereketê dînîyî mîyanê kurdan de
◼ Ziwan û edebîyatê kurdkî
◼ Folklorê kurdkî
◼ Tarîxê kurdan
◼ Etnografî û komelnasîya kurdkî
◼ Cografyaya kurdan
◼ Perwerde û akademîya kurdkî
◼ Mîmarîya kurdkî
Derûdormeyê nê babetanê nîşankerdeyan de, muracatî (serepirodayîşî) do bi ziwananê kurdkî, tirkî, îngilizkî, erebkî û fariskî bêrê qebulkerdene. Ma cigêrayoxanê erjayeyan ra rica kenê ke beşdarbîyayîşê sempozyûmî de demanê serepirodayîş, erşawitişê kilmavateyan û halo temam û rêberê agahdarîye yê zanistî yê nîşankerdeyan rê dîqet bikê. Kilmvate û metnê temamkerdeyê sempozyûmî do cîya-cîya bêrê çapkerdene. Reyna do metnê temamkerdeyî sey beşê kitabî bêrê weşanayene.
Demê Muhîmî yê Sempozyûmî Demê peynî yê erşawitişê kilmvateyan:
Demê îlankerdişê lîsteya beşdaran:
Demê virazîyayîşê sempozyûmî: 20 – 21. 11. 2026
Demê çap kerdişê kitabê kilmvateyan: 02. 10. 2026
Demo peyên seba erşawitişê metnanê temamkerdeyan yê meqaleyan: 20. 10. 2026
Demê çap kerdişê kitabê metnanê temamkerdeyanê meqaleyan sey beşê kitabî: 15. 12. 2026 v
Adresa keyepelê sempozyûmî: https://www.dicle.edu.tr/birimler/sempozyuma-kurdi Adresa e-mailî
seba erşawitişê kilmvate û metnanê temamkerdeyan: [email protected]
