ZAZAKÎ NEWS - Amed de yew merdimê nêweşêkî hêrişê doktorêk kerd. Keso ke bi maya xo amebi Nêweşxaneyê Perwerde û Cigêrayîşî yê Gazî Yaşargîlî uca de hêrişê doktorî kerd û ame destbendkerdiş.
Goreyê agahîyanê ke ameyî girewtiş, yew keso ke maya xo arda nêweşxane, bi îdîaya doktoran a weş tedawî nêkerda, hêrişê cerrahê mezgî Doç. Dr. A.Ç.yî kerd.
Doktorî, rewşe ser o "kodê sipî" da
Vengdayîşî ser o, ekîbê asayîşî û polîsî şawîyay odeya doktorî. Her di hetî zî yewbînan ra bîyî şikayetkar û ameyî berdene qereqolê polîsan.
Ame parekerdene ke şikbaro ke hêriş kerd, ameyo destbendkerdiş.
