Hedîse, Taxa Fabrîka ya qezaya Yenîşehîrî de qewimîya. Wayîrê keyeyî, seba kontrolkerdişî şi daîreyê xo yo veng ke qata 8ine ya bînayêke de bi.
Wayîrê keyeyî xeber da
Wayîrê keyeyî wexto ke kewt keyeyê xo yê vengî, yew oda de mîyanê poşêtê çopî de termê yew cinîye dî. Wayîrê keyeyî xeber da û badê cû ekîbê polîs û weşîye şîyî cayê hedîseyî.
Ekîbanê weşîye kontrol kerd û tesbît kerd ke Sûmeyye D. ya 18 serrî merda. Badê cigêrayîşê cayê hedîseyî, cenazeya Sûmeyye D. seba otopsî erşawîya Sazîya Tipê Edlî ya Amedî.
Mêrdeyê aye muracat kerdbi
Heto bîn ra ame musayîş ke mêrdeyê Sûmeyye D.yî vizêr şiyo qereqol û hêzanê asayîşî rê muracat kerdo. Mêrdeyê aye îfade kerdo ke Sûmeyye D. vîndî bîya û aye ra xeber nêgêno.
Tehqîqato ke derheqê hedîseyî de ame dest pêkerdene dewam keno.