ZAZAKÎ NEWS - Vewra zêde ya ke Dewa Koyungolî ya qezaya Dêrsimî Pulur de tesîrê xo mojna, cuyayîşê rojaneyî ser o tesîrêko xirab kerd. Dewe de ke qalindîya vewre tayê cayan de qama merdimî vîyarna, welatîyan seba ke keyeyanê xo ra bivejîyê, xebatêka pîle kenê.
Qezaya Dêrsimî Pulur ke Meteorolojî seba ci îqaz dabî, vewre reyna bi awayêko tesîrker varaye. Vewre saetanê sibayî de tesîrê xo zêde kerd.
Ber û paceyê keyeyan mîyanê vewre de vîndî bîyî û dekewtişê tayê keyeyan bi temamî ameyî girewtiş.
Şarê Dewa Koyungolî zî saetanê sibayî ra nat, vewra ke qama merdimî vîyarna bi huyeyan pak kerdî û kerdê ke ke verê keyeyan û rayîranê xo akerê.
