ZAZAKÎ NEWS - Hewagehê Çewlîgî, seba xebatanê ciewnîyayîşî û tamîrkerdişê pîst û apronî 23ê Adara 2026î ra heta 7ê Gulana 2027î seba trafîkê firnayîşî do bêro padîyayîş.
Çarçeweyê karê ‘Tamîrkerdişê Sahaanê PATî yê Hewagehê Çewlîgî’ ke hetê Îşletmeyê Meydananê Hewa yê Dewlete (DHMİ) ra îhale bîyo, 30ê Çeleyê 2026î de bi bedelê 1 mîlyar û 208 mîlyon TL pîyameyîş amey îmzakerdiş û teslîmê şîrketî ame kerdiş.
Mudurîya Hewagehî va ke seba ke karê înşaat û elektrîkî bêrê temamkerdiş, girewtişê pîstî bi temamî mecburî yo.
Hêvî bena ke serra 2027î de bêro akerdiş
Hedef o yo ke hewageh 7ê Gulana 2027î de reyna seba xizmetî bêro akerdiş. No qerar, Walîtîya Çewlîgî, Mudurîya Meteorolojî, Emnîyet, Mudurîya Weşîye ya Wîlayetî û şîrketanê teyarayan rê ame teblîxkerdiş.
Pawîyêno ke nê demî de rayîrwanî Hewagehê Muş Sultan Alparslanî û Hewagehê Xarpêtî bixebitnê.
