16 rojnamegerê ke yew serrîyo ke hepisxane de yê hema nêvejyayê mehkema vera.
DFG û MKGP do siba Amed de verê Edliyeya Amedî de kombîyayîşê çapemenî virazê.
Polîsan 8’ê hezîrana 2022î de xeylê şaristanan de eştbî zaf keye û saziyanê çapemenî ser. Encamê operasyonî de 20ê înan rojnameger pêroyî de 22 kesî ameybî girewtiş. Midûra JINNEWSî Safiye Alagaş, Hemserekê Komeleya Dîcle Firatî (DFG) Serdar Altan, Edîtorê Ajansa Mezopotamya (MA) Azîz Oruç, Wayîrê Îmtiyazî yê Rojnameyê Xwebûnî Mehmet Alî Ertaş, rojnameger Zeynel Abîdîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remziye Temel, Ramazan Gecîken, Lezgîn Akdenîz û Mehmet Şahin 16ê hezîrane de sewqê edliye bibî û bi îdiaya “Endamê rêxistine yê” ra erzîyabî hepisxane.
Semedo ke yew serra înan qedîyaya siba 16ê hezîrane de rojnamegerî verê Edliyeya Amedî de semedê înan yenê têhet û aşkereyîyêk danê çapemenî.
Komeleya Rojnamegeran a Dîcle Firatî (DFG) û Platforma Rojnamegeranê Cinîyan ê Mezopotamya (MKGP) do 16ê hezîrane de saete 11.30 de verê edliye de bêrê têhet.
