BALIKESIR - Qezaya Karesî ya Balıkesirî de fabrîkaya ke tede teqemenî yeno viraştiş de teqayîş ame meydan. Walîyê Balıkesirî Îsmaîl Ustaogluyî tesbîtanê verênan gore eşkere kerd ke, teqayîş de 12 kesî canê xo vîndî kerdî.
Dewa Kavaklî ya ke girêdayeya qezaya Karesî ya de fabrîkaya viraştişê teqemenî de, beşê ke tede kapsulî yenê viraştiş de, sebebêko ke hema nîno zanayîş ra teqayîş bî. Hedîse ra dima zaf ekîpê 112 Acîl û îtfaîye şîyî herême.
"Ma hewl danê ke personelê zereyî xelisnî"
Walî Ustaogluyî va ke badê hedîse ekîpî ca de şîyî herême. Walîyî eşkere kerd ke teqayîş de 12 kesî merdî û birîndarê zî estê û wina dewam kerd: "Tesîsê viraştişê teqemenî yê ZSRî de yew teqayîş bîyo. Beşê viraştişê kapsulî yê fabrîka de teqayîş ra dima bîna rijîya. Îhtîmalê sabotajî çin o. Nika heme ekîpê ma tîya de yê."
Ustaogluyî dîyar kerd ke heta nika 3 birîndarî berdê nêweşxane û rewşa nê kesan weş a. Walîyî va ke xebata tesbîtkerdişê hûmara kesanê ke zereyî de yê dewam kena.
