ZAZAKÎ NEWS - Derhêner Caner Canerîkî bi nameyê “Dersim Masalları” yew kitabêko bi Tirkî nuşt. Semedo ke estanikê Dêrsimî bi Zazakî arêdayî, labelê badê cû açarnayê Tirkî, zaf kesî vera ney hêrsê xo nişan day ke çira estanikê Zazakî bi Tirkî nuştê.
Canerîkî naye ser kitabo ke bi Tirkî nuştbi açarna Zazakî-Kirmanckî ser. Labelê bi alfabeya Tirkî, bi ziwanêko xirab û viraşte kitab açarna Zazakî. Semedo ke tena dewijê ey eşkayêne tira fam bikê û nêamêne famkerdiş, Zazayan eleyêk nêmojna kitabê ey.
Caner Canerîkî Xî ser o yew parekerdiş kerd û eşkera kerd ke, mabênê 2-3 serran de tena 50 hebî kitabî ameyê rotiş û va: Eki şima soz bidê ke 200 kitabanê mi destpêk de bierînê ez encax o wexto kitabêko Zazakî nusena. La kes kitabê mi nêwaneno. Mi bi Tikî nuşt, şima va, qey Zazakî nîyo. Mi açarna Tirkî la na rey kes kitabê mi nêgêno. Ez do êdî Zazakî nênusî”
