ZAZAKÎ NEWS - 6ê Çeleyî ra nata çekdarê girêdayîyê hukmatê Şamî hêrişê Rojavayê Kurdistanî kenê. Çekdarê roje bi roje aver şinê û înan nika zî çim visto cayanê Kurdan ê sey Hasekê û Kobanê.
Merkezê Îrtîbatî yê Çapemenîye yê Hêzanê Sûrîyeya Demokratîke (HSD) eşkera kerd ke şefeqê 20ê Çeleyê 2026î de, hetê başûrî yê Kobanî de hêrişê grûbanê Şamî ameyê vindarnayîş.
Eşkerayîya ke hetê HSD ra ameya dayîş de wîna vajîya:
Ewro wextê şafaqî de mabênê seatanê 03.00 û 06.00 de, cebheyê Sirrînî yo ke başûrê Kobanî de yo, têgêrayîş ame meydan.
Ame îfadekerdene ke grûbê pabesteyê Şamî di rey waşto hêriş bikerê, labelê hêzanê HSDyî cewabêko giran dayo nê hêrişan.
Ame vatiş ke netîceya pêrodayîşan de xeylê wesayîtê leşkerî û zirxînî yê grûba hêrişkere ameyê îmhakerdiş û personelê ke mîyanê wesayîtan de bîyê, merdê.
Cebheyê Ebû Sarra (Abu Sarra) de zî, vera konvoyêkê leşkerî yê grûbanê Şamî de hetê hêzanê HSDyî ra "derbêka xurte" ameya pirodayîş. Ame qeydkerdiş ke dima nê mudaxeleyî, konvoy peyser ancîyayo û mecbûr mendo ke herême ra biremo.