ZAZAKÎ NEWS - Serekê Amerîka Donald Trumpî, bi wesîleyê aşma Remezanî peyamêk weşana û selam û waştişê xo yê weşî pêşkêşê kesanê ke Remezanî fîraz kenê, kerd. Serekê Amerîka eleqe ant ser ke Remezan, wextê newebîyayîşê manewî, tefekkur û şikirkerdişê nîmetanê Homayî yo.
Peyama ke hetê Qesra Sipîye ra ameye parekerdene de, ame vatene ke demê Remezanî bi dua û roje vîyêreno, û têkilîyanê keyeyî û cimatî xurt keno.
"Azadîya dînî heqêko bingeyên o"
Serekê Amerîka peyama xo de qeyd kerd ke azadîya dînî hîmanê bingeyênan ê welatî ra yew ya. Trumpî îfade kerd ke îdare (hukmat) xebitîyeno ke pêro welatîyî bawerîyanê xo bi azadî biciwîyê û îbadetanê xo bê ters bîyarê ca.
